英國脫歐與否,為何全球關注?最大原因除了關心英鎊會否大跌,再而引發其他歐盟國家有樣學樣齊齊離隊影響全球經濟之外,其實英國還是其他國家進入歐洲的最大通道,英國脫歐會引起包括入境、航空以至購物保障等問題,那對香港人來說何事有最直接關係呢?
1.英鎊下跌
金融業內人事估計英國若成功脫歐,英鎊會跌大約8-10%,大家上網購物或到當地旅遊購物自然比之前平,這個應為暫時來說脫歐對港人最大的好處。
2.快閃的EU通道呢?
持有BNO的港人,以往去歐洲都可以行EU通道,但英國脫歐的話,BNO持有者就不能再享受這個特權,要與其他乘客一齊排長龍入境出境,亦會被海關人員問大量問題,過關時間分分鐘可以多數小時,所以要飛的話請大家預早幾個鐘。
3.去歐洲要兜路行?
在歐洲空域條例下,如以倫敦為基地的英國航空公司和以魯頓(Luton)為基地的易捷航空(easyJet)等,本身都可以自由進出歐洲國家空域,但英國脫歐,這些「着數」全部要由頭傾過,傾唔掂數的話飛去歐洲的航班全部可能要兜路行,飛行時間自然會再長過以前好多。
4.航班延誤無補水
歐盟之前保障所有歐盟航班乘客,如有任何事故令航班延誤或取消,都會對乘客(包括非歐盟成員國居民)作出適當賠償,包括輪候最快出發航班、延後行程或退票等等,曾經有人就試過由英國飛去歐洲某地區,因為延誤數小時,就獲得數千港元作賠償,之後等機等到暈就未必有補水呢支歌仔唱喇。
5.離境稅拜拜
歐盟要求離開歐盟境內的航班,都需要繳付每位乘客約240港元的離境稅,英國是歐盟成員時,乘客離境自然要多付$240,英國脫歐,以一個四人家庭計就可以慳番成千蚊!
6.歐洲漫遊
以往一張sim卡可以遊勻全歐洲包括英國,而歐盟亦大力減低區內所有數據漫遊費用,英國脫歐,大家就要另外買電話卡,或者拋開電話數據,真心放個好假。